കള്ളനോട്ട്

ശശിക്ക് ഒരു അഞ്ഞൂറ് രൂപ നോട്ടു കിട്ടി .കള്ളനോട്ടാണോന്നു ഭയങ്കര സംശയം .ശശി കൂടുകാരനായ രവിയോട്.
"എടാ, എനിക്ക് ഒരു അഞ്ഞൂറ് രൂപ നോട്ടു കിട്ടി. കള്ളനോട്ടാണോ നല്ല നോട്ടാണോ എന്ന് എങ്ങനെ അറിയും "
" ഇങ്ങു താ ഞാന്‍ നോക്കട്ടെ"
രവി അത് വാങ്ങി ശക്തിയായി കുടഞ്ഞു. എന്നിട്ട് നോട്ടില്‍ ഒന്നു നോക്കി ശശിയോട് പറഞ്ഞു
" നല്ല നോട്ടാണ് , കുഴപ്പമില്ല"
"എടാ, നിനക്കെങ്ങനെ മന്നസ്സിലായി"
"കണ്ടില്ലേ ഞാന്‍ ശക്തിയായി കുടഞ്ഞിട്ടും, ഗാന്ധിജിടെ കണ്ണാടി പൊട്ടീട്ടില്ല"

മേക്കപ്പ്

കൂടെ ജോലി ചെയ്യുന്ന ഒരാളുടെ കല്യാണത്തിന് എറണാകുളത്തു കഴിഞ്ഞ ഞായറാഴ്ച എല്ലാവരും കൂടെ പോയി. കല്യാണം കഴിഞ്ഞപ്പോള്‍ തന്നെ അടുത്ത ട്രെയിന്‍ പിടിക്കാന്‍ തിടുക്കമായി. അപ്പോഴാണ് അറിയുന്നതു വരാന്‍ ഉദ്ദേശിച്ച ട്രെയിന്‍ ഒരു മണിക്കൂര്‍ ലേറ്റ് ആണെന്ന്.
" ട്രെയിന്‍ ലേറ്റ് ആണ്"
" സാരമില്ല മേക്കപ്പ് ചെയ്തോളും"
" അതെന്താ ട്രെയിന്‍ പൌഡറും പൊട്ടും കൊണ്ടു വന്നിട്ടുണ്ടോ മേക്കപ്പ് ചെയ്യാന്‍"